Odelsguten og den nye tida av Jostein Vågenes

279,-

Kjøp

Odelsguten og den nye tida er ein lærerik roman og eit tidsbilde frå ei tid der Noreg gjennomgjekk store forvandlingar - på bygdene opplevde folk endringane i økonomi og levesett som dramatiske. <br/> <br/>Året er 1910, Alf er elleve år. Om tre år er han konfirmert, og vaksen. Nye opplevingar ventar, kanskje meir utdanning, arbeid, større gard i alle fall. <br/> <br/>Men som odelsgut er Alf nagla til det magre småbruket i Brekkå for resten av livet. <br/> <br/>Han gjer også betre nytte for seg heime, enn å kaste bort tida på dei mange nye og unødvendige faga i skulen. Slik faren ser det. <br/>«Å drive gard er det som er viktig, det kan eg lære sonen min sjølv,» seier han. <br/> <br/>Landbruket er i sterk vekst, men i Brekkå er alt som før. For faren vil at garden skal drivast slik han og generasjonane tidlegare har gjort. <br/> <br/>Gradvis innser Alf at den trygge odelsretten verken er ein veg ut av fattigdomen eller til ei spennande framtid. <br/> <br/>På garden bur også tante Tea, som er flink til å varsle vêret. Ho kom til Brekkå som lita, foreldrelaus jente. Då Alf byrjar å pirke i draumane hennar skjer det ting. <br/> <br/>Eit stadig aukande konfliktnivå mellom Alf og faren toppar seg då ei stor ulukke råkar bygda.