Ute, langt der ute av Edvard Hoem

318,-

Kjøp

I vika langt mot vest, langs haustmørk strand <br/>kjem svanene igjen, eg ser det no. <br/>Dei duvar lydlaust like attmed land <br/>og speglar seg når sjøen stig mot flo. <br/>Eg har sett pina skjera andletstrekk, <br/>eg har sett folk ta avskil utan fred, <br/>høyrt dører smelle, bilar køyre vekk, <br/>men no kjem svanene og slår seg ned. <br/>Det var ei verd, ein kyst, der langt mot nord, <br/>ein slik klar haustdag, vinter var på veg, <br/>eg sat og såg mot botnen av ein fjord <br/>og høyrde vengesus som nærma seg. <br/>Så vart det stille. Det gjekk mange år. <br/>No høyrer eg på nytt at venger slår. <br/> <br/>Dikta i Ute, langt der ute er sanselege, musikalske og inderlege. Naturens klangar og linjer frå barndommens landskap grip inn i kvarandre og utfyller kvarandre. Sjølv om fleire av dikta i denne samlinga er skrivne for mange år sidan, er dei haldne i eit poetisk språk som ikkje blir nedslite av år og alder.