Norsk språkhistorie for lærarar av Ingvil Brügger Budal, Karine Stjernholm, Bernt Ø. Thorvaldsen

399,-

Kjøp

Norsk språkhistorie for lærarar er skreddarsydd for<br/>grunnskulelæraren, og denne andre utgåva av boka inneheld eit heilt nytt<br/>kapittel om språket i dansketida. Sentralt i Kunnskapsløftet 2020 står språkleg<br/>mangfald, variasjon og endringar i fortid og samtid, og i denne grunnleggjande<br/>innføringa tek forfattarane føre seg desse temaa i eit historisk perspektiv:<br/>frå urnordisk, norrønt og mellomnorsk til språket i dansketida, og til slutt<br/>fram til moderne norsk. I boka er det lagt stor vekt på å visa skulerelevansen<br/>til fagstoffet og korleis dette kan bli formidla i klasserommet.<br/><br/>Ingvil Brügger Budal (fødd 1975) er professor i nordisk<br/>språkvitskap ved Høgskulen på Vestlandet. Ho er filolog, og er oppteken av<br/>tekst, språkbruk og språkbrukarar, både i eit diakront og synkront perspektiv.<br/>Budal har tidlegare mellom anna skrive om grammatikk og grammatikkdidaktikk,<br/>nynorskdidaktikk og norrøn omsett litteratur.<br/><br/>Karine Stjernholm (fødd 1978) er førsteamanuensis i norsk<br/>ved Høgskolen i Østfold. Ho er sosiolingvist, og er spesielt oppteken av<br/>språkideologi. Stjernholm underviser i språk og samfunn, fleirspråklegheit,<br/>språkplanlegging og språkhistorie på lærarutdanninga og på masterprogrammet<br/>Master i norsk i skulen.<br/><br/>Bernt Ø. Thorvaldsen (fødd 1976) er professor i norsk ved<br/>Universitetet i Søraust-Noreg. Han underviser i norsk språk og litteratur, er<br/>utdanna lærar og norrønfilolog, og han forskar på kultur og språk i norrøn tid,<br/>og på norskdidaktikk.