<p>Tredje bok frå kritikarrost poet </p><br/><p>du glir saumlaust </p><br/><p>gjennom lufta </p><br/><p>på vengjer som </p><br/><p>ikkje treng kvile </p><br/><p> </p><br/><p>feller fjør og </p><br/><p>vender heim </p><br/><p> </p><br/><p><em>Munn mot tømmeret</em> skildrar ein far som blir borte, og eit eg som forsøker å finne fram i verda i dette fråværet. Landskapet er heftig og omskifteleg: Frå jordskorpa som sprekk under døyande dyr, til regn på det trettande døgnet. Men innimellom finst det òg parentesar av sommar, med kortslege gras i frukthagen og ripsflekkar på shortsen. </p><br/><p>Svanhild Amdal Telnes si tredje diktsamling blandar sorg og livsglede i ei rekke konsentrerte dikt, som til saman blir ei forteljing om kva ein far etterlèt seg. </p>