Kvifor vart det slik? av Svein Ivar Angell, Knut Dørum, John Ragnar Myking

567,-

Kjøp

<strong>Kvifor vart det slik?</strong> er ei ny framstilling av dei lange linene i noregshistoria. Boka si form er lett tilgjengeleg, og eignar seg særleg for lærarutdanninga. Framstillinga spenner heilt frå steinalderen til 2020, og byggjer på nyare forsking om norsk historie. Forfattarane går gjennom demografisk, økonomisk politisk, sosial og kulturell historie for å visa korleis det vi kjenner som det norske samfunnet i dag har vorte til.<br/>Forminga av Noreg som stat og nasjon er sentrale tema i boka. Medan det i dag kan arta seg som opplagt at det skulle dannast ein norsk stat på det territoriet vi kjenner som norsk, viser forfattarane at denne utviklinga langt frå var noko sjølvfølge. Nøkkelomgrep som nasjonsbygging, modernisering og demokratisering synleggjer korleis det moderne Noreg har vorte til. Eksempel på historiebruk og historisk forståing knyt innhaldet til historiedidaktikken. Boka inneheld òg arbeidsoppgåver som kan brukast i undervisning.<br/>Sjølv om det særleg er lærarstudentar som er målgruppa for boka, kan ho lesast med utbyte av alle som vil ha ei komprimert og lett tilgjengeleg framstilling av norsk historie.