Kongen av Spitsbergen av Svein Sæter

299,-

Kjøp

Einar Sverdrup (1895-1942) er ein av Norges ukjente heltar og samfunnsbyggjarar. Han var direktør for Store Norske Spitsbergen Kulkompani. Gruvene ved Longyearbyen - og byen sjølv - vart livsverket hans. Ingen ting kunne stanse Einar Sverdrup. Familien var full av framståande politikarar, prestar, polfararar, poetar og pressemenn. <br/> <br/>Kongen av Spitsbergen er ei bok om vilje, mot og pågangsmot. Hausten 1941 var Einar Sverdrup rasande da britane tvangsevakuerte Longyearbyen: alle menneska i ein norsk småby stappa om bord i krigsskip og sendt til Storbritannia, mens byen og gruvene vart herja og husdyra slakta for fote. <br/> <br/>I mai 1942 leidde Sverdrup ein militær operasjon for å fri Spitsbergen frå Nazi-Tyskland. 14. mai 1942 omkom han og 13 medsoldatar, da ekspedisjonsskipet «Isbjørn» vart senka av tyske fly. <br/> <br/>Kongen av Spitsbergen er den første boka om Einar Sverdrup. <br/> <br/>Svein Sæter (f. 1960) er forfattar og frilansjournalist. Han har skrive 21 faglitterære bøker, mange av dei med historiske tema. Fleire av bøkene, mellom anna XU. I hemmeleg teneste 1940-1945, har hausta strålande kritikkar.