Juss i sjukepleie av Bente Ohnstad

295,-

Kjøp

Dette er ei grunnleggande innføringsbok i<br/>helserett for sjukepleiarar. Boka gir oversikt<br/>over regelverket som gir rammene for<br/>sjukepleiefagleg arbeid, og over kva desse<br/>reglane inneber i praksis.<br/><br/>Etter ei kort innføring om ulike normer,<br/>rettsstat, velferdsstat og menneskerettane,<br/>tar forfattaren for seg reglane som gjeld ved<br/>utøving av sjukepleiaryrket. Sentrale føresegner<br/>i mellom anna helsepersonellova, pasient- og<br/>brukarrettslova og psykisk helsevernlova<br/>vert gjennomgått. Kravet til forsvarleg<br/>yrkesutøving, grenser for bruk av tvang, kravet<br/>til journalføring, informasjonsbehandling og<br/>teieplikt blir behandla og sett i lys av prinsipp<br/>som pasientautonomi og rettstryggleik. Her<br/>blir også krav til medverknad - også for barn og<br/>unge - gjennomgått.<br/><br/>Plikter for sjukepleiarar og anna helsepersonell<br/>heng nøye saman med rettar for pasientane.<br/>Pasientar har rettar både vis-a-vis sjukepleiarar<br/>og anna helsepersonell, men også vis-a-vis<br/>verksemder som er ansvarlege for tenestene.<br/>Difor vert også plikter for eigarar og dei som<br/>er ansvarlege for organisering og drift av<br/>helsetenestene, gjennomgått, sidan dette<br/>vedkjem rettane til pasientane og kan avgrensa<br/>ansvaret til fagpersonellet.<br/><br/>Bente Ohnstad (f. 1953) er jurist, advokat og<br/>førsteamanuensis i rettsvitskap ved Høgskolen i<br/>Innlandet, Lillehammer. Ohnstad har brei erfaring frå offentleg forvaltning, undervisning, utgreiing, forsking og leiing. Ho har publisert fleire fagbøker og artiklar innanfor rettsområda forvaltningsrett, velferdsrett og helserett, skrive NOU 1993:33 om helsepersonell sine rettar og plikter og leia arbeidet med Ot.prp. nr. 13 (1998-99): Om lov om helsepersonell.