Jordbær i Genève av Siv Merethe Aannevik

429,-

Kjøp

<em>Dagen er draum. Anniken spring så den turkise skjortekanten skjer seg inn i kratt og tornar. Dei kvite krøllane dansar og viklar seg inn i eine augnekroken. Ho dreg i ein hårfloke og snublar over ei svart trerot. Sarte, ravgule strå svingar seg i vestakulingen. Bort, langt bort, vil ho. Bort frå den teite skuledagen og dei ekle maurane i kroppen.</em><br><br>Slik startar <em>Jordbær i Genève</em>, ein oppvekstroman om Anniken frå Svanøya og Khalil frå Kabul. Boka skildrar Anniken si reise til ein FN-konferanse i Genève, der utdanning og menneskerettar står i front. Men dette er også ei forteljing om den fyrste kjærleiken, om mangfaldet i naturen, og om ei ung danningsreise.<br><br><em>Korleis er det å leve med traume? Korleis kan ein skape seg eit verdig liv i eit nytt land? Og kva verdi har den gode samtalen i kampen for ei betre verd?</em><br><br><em>Jordbær i Genève</em> er ei vakker og viktig bok for ungdom, som vaksne òg vil ha glede av å lese.<br><br>Siv Merethe Aannevik er lektor, og har arbeidd som rådgjevar og vore leiar i Utdanningsforbundet i Florø i mange år. Ho arbeider no for Bufetat, og har tidlegare gitt ut boka <em>Med vind i håret. Korleis lykkast med fosterbarn?</em> <br>Aannevik har òg skrive fagtekstar og artiklar, og ho er representert med dikt og noveller i ulike antologiar.<br>