Fotografihistoria - sett frå Rogaland av Lisabet Risa

360,-

Kjøp

Gjennom tekst og om lag 270 illustrasjonar formidlar boka den kunnskapen vi har om fotografihistoria som ein del av den generelle historia i Rogaland. Alle som arbeider med fotografi, og alle som er interesserte i fotografi- og kulturhistorie generelt, vil få eit nyttig oppslagsverk. Fotografiet utgjer ein viktig del av historia vår, og her kan du lesa om dei mange ulike bruksområda fotografiet hadde desse første 120 åra, både i offentleg og privat samanheng. Du kan lesa om dei mange fotografane, både fagfotografar, bygdefotografar, heimvende Amerika-fotografar og vanlege kvinner og menn med interesse for dette nye mediet. I boka møter du mange kjende og ukjende personar i Rogaland. Du kan studera dei første som fotograferte seg, dei første turist- og landskapsprospekta, og du kan lesa om kor viktige postkorta var. Du kan lesa om den store innsatsen til Stavanger Turistforening for landskapsfotografiet og for arbeidet med å auka interessa for amatørfotografiet. Du kan også lesa om korleis avisene, særleg Stavanger Aftenblad, gradvis tok i bruk fotografiet og om korleis dei arrangerte fotokonkurransar og støtta det kunstnarlege fotografiet.