Beste harpespillerske, verdensberømt av Olav Norheim

348,-

Kjøp

<strong>Berit på Pynte er ei legende i langeleikkretsar. Ho gjorde langeleiken til levebrød og skapte interesse for låttemusikken også blant dei høge herrar. <em>Beste harpespillerske, verdensberømt</em> er skriven av av forfattar og journalist Olav Norheim.</strong><br><br>Berit på Pynte budde like ved Kongevegen mellom Kristiania og Bergen og skaffa seg inntekter ved å spela for dei forbifarande og selja brennevin til dei. Edvard Grieg og Bjørnstjerne Bjørnson var blant gjestene, og ho vart portrettert av både Erik Werenskiold og Mathias Skeibrok. I «byen» var ho på visitt hjå folkemusikksamlaren Ludvig Mathias Lindeman. Både Grieg og Lindeman skreiv ned musikken hennar, og Berit på Pynte vart ein kjendis i samtida.<br><br>Ein god grunn til å gje ut boka om Berit på Pynte i 2024 er at den eldste daterte langeleiken me kjenner, er 500 år i år. Det er Kvitvella Forlag, drive av Nord-Aurdal Mållag, som markerer dette 500-årsjubileet med å gje ut boka <em>Beste harpespillerske, verdensberømt</em>. Forfattaren av boka, Olav Norheim, er vestreslidring og har tidlegare skrive ei bok om Jørn Hilme og felene hans: <em>Susen av Garlistuten. Historia om den gjæve fela til Jørn Hilme</em>.<br><br><br>