Å vere ein annan av Fernando Pessoa

263,-

Kjøp

Fernando Pessoas forfattarskap er ein av største litteraturskattane i portugisisk litteratur, og sannelege er det ei skattejakt vi er med på når vi skal dykke ned i eit livsverk som i grunnen var ei stor kiste full av papir då forfattaren døydde i 1935. Dei over 25 000 manuskriptsidene som låg igjen etter Pessoa, gav ettertida eit arbeid som enno går føre seg og gåter som enno ikkje er løyste. <br/> <br/>«Å vere ein annan» gir oss eit nytt og levande utsnitt av mangfaldet i Pessoas verk, og viser korleis forfattaren i heimlandet både har vore ein folkekjær diktar og ein nyskapande analytikar av det moderne sjølvet, ein som tok seg sjølv frå kvarandre for å studere bitane. <br/> <br/>Pessoa la tekstane sine i munnen på fiktive forfattarar som han kalte heteronym. I tillegg til «dei fire store», gjetardiktaren Alberto Caeiro, futuristen Álvaro de Campos, klassisisten Ricardo Reis og den mangfaldige Fernando Pessoa sjølv, finst eit dusin andre namn produktive nok til å fortene merkelappen. Til saman har det blitt identifisert 136 ulike fiktive identitetar i skriftene til Pessoa. <br/> <br/>Å lese Pessoas verk kan vere ei sprikande oppleving, eit møte med noko svært framandt og velkjent på same tid, ei forvirrande kjensle av å bli lurt, blanda med eit overrumplande inntrykk av å lese den oppriktige sanninga, i eit klart og enkelt språk. Ikkje minst har Pessoa rike mengder av humor - avvæpnande, sjølvironisk, men òg mørk og grunnleggande humor. <br/> <br/>Målet med «Å vere ein annan» er å gi lesarane eit innblikk i dette omfattande livsverket for dei som ikkje kjenner til forfattaren frå før, og på same tid gi tidlegare lesarar eit høve til å sjå forfattarskapen med eit friskt blikk. Tekstane i boka er ordna kronologisk og blir slik som ei skisse av Pessoas livshistorie, der dei ulike forfattaridentitetane opptrer i dialog. <br/> <br/>Omsetjar Øystein Vidnes har i mange år jobba med Fernando Pessoas litterære verk og er ein av dei fremste ekspertane i feltet. I boka har han samla tekstar frå heile